Sunday, December 12, 2010

Offering Mandala to H.H. Karmpa on Grand Yearend Karmapa 900 Celebration













༈ ཁམས་གསུམ་འགྲོ་བ་ཡོངས་ཀྱི་གཙུག་ནོར་འཛམ་གླིང་བསྟན་པ་སྤྱི་དང་། བྱེ་བྲག་སྒྲུབ་བརྒྱུད་བསྟན་པ་རྒྱ་མཚོའི་མངའ་བདག་༧་སྐྱབས་མགོན་རྒྱལ་བའི་དབང་པོ་༧དཔལ་ཀརྨ་པ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་མཆོག་གི་དབུས་བཀའ་བརྒྱུད་རྒྱལ་བ་ཡབ་སྲས་ལྷན་རྒྱས་དང་། འགྲོ་བ་ལྷ་དང་བཅས་པའི་བསོད་ནམས་ཀྱི་ཞིང་མཆོག་བླ་ན་མ་མཆིས་པ་སྐྱབས་གནས་འཕགས་ཚོགས་འདུས་པ་རིན་པོ་ཆེ་མཆོག་གི་ཞབས་པད་དགེ་ལེགས་ཀྱི་འདབ་སྟོང་བཞད་པའི་ཁྲིའི་དྲུང་དུ།

སྒོ་གསུམ་རབ་གུས་དྭངས་བས་སོར་བཅུ་འདབ་ཟུང་སྤྱི་བོར་བཀོད་དེ་ལྷ་ཕྱག་གྲངས་མེད་དང་བཅས་ཏེ་ཞུ་གསོལ་འདེབས་སྙིང་།

དེང་འདིར་གནས་དུས་སྟོན་འཁོར་ཕུན་སུམ་ཚོགས་པའི་དགེ་ལེགས་ཀྱི་ལམ་ཡངས་པོར་ཕྱེ་སྟེ། སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་གི་བསྟན་པའི་སྲོལ་འབྱེད་ཆེན་པོ་རྒྱལ་མཆོག་དུས་གསུམ་མཁྱེན་པ་ཞེས་མཚན་སྙན་སྲིད་ཞིའི་ཞིང་དུ་གཟི་འོད་འབུམ་གྱི་སྣང་བ་བཀྲ་ཞིང་། གངས་ཅན་ལྗོངས་སུ་སྤྲུལ་པའི་སྐུ་ཡི་རྣམ་རོལ་ཐོག་མར་བྱོན་པ་ནས་ད་བར་མི་ལོ་དགུ་བརྒྱ་ཧྲིལ་པོར་འཁོར་བ་དང་སྟབས་བསྟུན། ༧རྒྱལ་མཆོག་བཅུ་བདུན་པ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་ཆེན་པོ་མཆོག་གི་བཞེས་དགོངས། དུས་རབས་གསར་པའི་གོམ་སྟབས་མཛད་རྗེས་བླ་ན་མེད་པའི་ཕྲིན་ལས་ཀྱི་སྣང་བ་ཡངས་པོར་གསལ་བའི་བཀའ་དྲིན་ནི། སྟོང་གསུམ་ཕུལ་ཀྱང་གཞལ་བར་མི་ནུས་པ་སྟེ། ཀརྨ་པ་དགུ་བརྒྱའི་དུས་དྲན་གྱི་ངོ་སྤྲོད་ལས། སྔོན་བྱོན་དམ་པ་རྣམས་ཀྱི་ཕྱག་རིས་བཞག་པ་བཟང་པོའི་རྗེས་ཤུལ་མི་ནུབ་པའི་བྱས་ཤེས་དྲིན་གཟོ་དང་། ཕྱི་རབས་པ་རྣམས་ཀྱི་མིག་དཔེ་ཡར་འདྲེན་ཡོང་སླད་ཀརྨ་པ་དགུ་བརྒྱའི་དུས་དྲན་སྲུང་བརྩི་ཞུ་བ་ནི་ཆོས་འཇིག་རྟེན་གང་ཐད་ནས་འོས་ཤིང་མཚམས་ལ་ཡ་རབས་དྲ་མའི་སྤྱོད་ཚུལ་ཞིག་ཀྱང་ཡིན་པས་ཕྱི་ལོ་༢༠༡༠་ཟླ་༡༢་པའི་ཚེས་༨་ནས་བཟུང་ལོ་འཁོར་གཅིག་ཧྲིལ་པོར་དུས་དྲན་གྱི་མཛད་སྟོན་གནས་མཆོག་རྡོ་རྗེ་གདན་ནས་དབུ་བཙུགས་ཏེ་འཛམ་གླིང་ས་གནས་གང་སར་བསྐྱངས་གཏན་འཁེལ་བ་ལགས་སོ། །ཞེས་གསུངས་སོ། །དེས་ན་ཇི་སྐད་དུ། གང་ཞིག་བླ་མ་འདས་པའི་ལོ་ཟླའི་གྲངས། །ཡོངས་སུ་བཟུང་ནས་མཆོད་འབུལ་སུས་བྱེད་པ། །རིང་པོར་མི་ཐོགས་འཁོར་གྱི་ཐོག་མ་རུ། །སྐྱེ་ནས་འགྲོ་བའི་དེད་དཔོན་བྱེད་པར་གྱུར། །ཞེས་གསུངས་པ་ལྟར། དཔལ་ལྡན་བླ་མའི་སྐུ་གསུང་ཐུགས་ཀྱི་ཡོན་ཏན་དང་ཕྲིན་ལས་རྗེས་སུ་དྲན་པ་ནི་སྲིད་ཞིའི་ལེགས་ཚོགས་ཐམས་ཅད་འབྱུང་བའི་གཞི་མ་ཡིན་པ་གསུངས་དོན་བཞིན། དཔལ་རྒྱལ་དབང་ཀརྨ་པ་སྐུ་ཕྲེང་དང་པོ་དཔལ་ལྡན་དུས་གསུམ་མཁྱེན་པ་ཁམས་ཏྲེ་ཤོད་དུ་སྐུ་འཁྲུངས་ནས་མི་ལོ་དགུ་བརྒྱ་ཧྲིལ་པོར་འཁོར་བའི་རྗེས་དྲན་མཛད་སྒོ་བླ་ན་མེད་པ་བསྐྱངས་པའི་སྐབས་འདིར། སྐུ་རྟེན་དུ། རྒྱལ་བ་རྡོ་རྗེ་འཆང་། གྲུབ་ཆེན་ཏཻ་ལོ་པ། པཎ་ཆེན་ནཱ་རོ་པ། མར་པ་ལོ་ཙཱ་བ། རྗེ་བཙུན་མི་ལ་རས་པ། མཉམ་མེད་སྒམ་པོ་པ། རྒྱལ་དབང་ཀརྨ་པ་སྐུ་ཕྲེང་དང་པོ་དཔལ་ལྡན་དུས་གསུམ་མཁྱེན་པ་ནས་རྒྱལ་མཆོག་བཅུ་དྲུག་པ་རང་བྱུང་རིག་པི་རྡོ་རྗེ་བར་དུ་བྱོན་པའི་བཀའ་བརྒྱུད་གསེར་ཕྲེང་གི་སྐུ་བརྙན་ཟངས་གསེར་བཀྲ་མ་སྐུ་གྲངས་བཞི་བཅུ་ཞེ་གཅིག །གསུང་རྟེན་དུ། གཞུང་ཆེན་བཀའ་པོད་ལྔ་ཡི་ཀར་ཊིཀ་ཆེན་མོ་སོགས་ལེགས་བཤད་གླིང་གིས་པར་བསྐྲུན་ཞུས་པའི་དེབ་ཕྲེང་ཆ་ཚང་རེ། ཐུགས་རྟེན་དུ། ཟངས་གསེར་བཀྲ་མའི་མཆོད་རྟེན་བཅས། གུས་འབངས་ཇར་མན་ནི་ནས་ཨིས་ཊི་ཕན་ཨིས་ཊོརོམ་Stephan Strom from Germany དང་ཀརྨ་ལེགས་བཤད་གླིང་འདུས་སྤྱི་ཐུན་མོང་ནས་མེ་ཏོག་མཆོད་རྫས་སུ་རྒྱལ་བ་དགྱེས་པའི་མཆོད་སྤྲིན་དུ་འབུལ་ལམ་ཞུས་པ་ལགས་ན། རྒྱལ་བསྟན་སྤྱི་དང་བྱེ་བྲག་གི་བསྟན་པ་རིན་པོ་ཆེ་འདི་ཉིད་འཇིག་རྟེན་གྱི་ཁམས་སུ་དར་རྒྱས་ཡུན་རིང་གནས་པ་དང་། རྒྱལ་ཀུན་ཕྲིན་ལས་གཅིག་ཏུ་འདུས་པའི་རང་གཟུགས། ༧སྐྱབས་མགོན་རྒྱལ་བའི་དབང་པོ་དཔལ་ཀརྨ་པ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་མཆོག་དང་། བྱམས་མགོན་རྡོ་རྗེ་འཆང་ཀན་ཏིང་ཏཱ་ཡི་སི་ཏུ་མཆོག་དང་། སྐྱབས་རྗེ་འཇམ་མགོན་ཀོང་སྤྲུལ་རིན་པོ་ཆེ་མཆོག་དང་། སྐྱབས་རྗེ་གོ་ཤྲི་རྒྱལ་ཚབ་རིན་པོ་ཆེ་རྣམ་པ་དབུས་རིས་མེད་ཀྱི་བསྟན་འཛིན་སྐྱེས་ཆེན་དམ་པ་གང་ན་སུ་བཞུགས་ཞབས་པད་རྡོ་རྗེའི་ཁམས་སུ་བརྟན་ཅིང་གསང་གསུམ་མཛད་ཕྲིན་རྒྱས་པ་དང་། དགེ་འདུན་གྱི་སྡེ་རྣམས་ཐུགས་མཐུན་ཁྲིམས་གཙང་གི་སྒོ་ནས་བཤད་སྒྲུབ་འཆད་ཉན་སོགས་དབྱར་མཚོ་ལྟར་འཕེལ་ཞིང་རྒྱས་པ་དང་། ཡངས་པའི་རྒྱལ་ཁམས་ཀུན་ཏུ་ནད་མུག་འཁྲུག་རྩོད་སོགས་སྙིགས་ལྔའི་རྒུད་ཚོགས་མཐའ་དག་ཞི་ནས་ཚེ་བསོད་དཔལ་འབྱོར་ལོངས་སྤྱོད་རྒྱས་པ་སོགས་མདོར་ན་འཕྲལ་ཡུན་ཀུན་ཏུ་ཞི་བདེའི་དཔལ་དུ་ལོངས་སྤྱོད་པ་དང་། ལྷག་པར་དུ་བསྟན་པའི་སྦྱིན་བདག་རྣམས་ཀྱི་འགལ་རྐྱེན་ཞི་ཞིང་མཐུན་རྐྱེན་ལེགས་ཚོགས་འཕེལ་བའི་ཐུགས་སྨོན་སྐྱབས་འཇུག་བརྩེ་བས་གཟིགས་པ་མཁྱེན་མཁྱེན་མཁྱེན།

ཞེས་གསོལ་བ་རྩེ་གཅིག་ཏུ་འདེབས་པ་ལགས།

Wednesday, December 8, 2010

Stupa at Miami, FL. USA


www.zenvillage.org

The Words of Karmapa


Welcome to http://www.words-of-karmapa.org/. As we know today is our special day for our Lineage. We have started to work with this project on this special day of the the Karmapa 900 Years http://karmapa900.org/ and we fully hope that we can translate some text into Chinese Language and English Language. Please, help us to collect more text from H.H. 1st Karmapa Dusum Khyenpa to H.H. 17th Karmapa Ogyen Trinley Dorje. We wished that we will success our aim as soon as possible and share to the world wide. Thanks... Khenpo Karma Namgyal

༈ སྙིགས་དུས་འགྲོ་བའི་དེད་དཔོན་ཆེན་པོ། རང་ཅག་རྣམས་ཀྱི་མེ་ཏོག་ཕོག་པའི་ལྷ་སྐལ། ༧་སྐྱབས་མགོན་རྒྱལ་བའི་དབང་པོ་༧་དཔལ་ཀརྨ་པ་བཅུ་བདུན་པ་ཆེན་པོ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་མཆོག་གི་བཀའ་དགོངས་བཞིན། སྐབས་འདིར་སྒྲུབ་བརྒྱུད་རིན་པོ་ཆེ་ཀརྨ་ཀཾ་ཚང་གི་བསྟན་པའི་སྲོལ་འབྱེད་ཆེན་པོ་༧་དཔལ་རྒྱལ་དབང་ཀརྨ་པ་སྐུ་ཕྲེང་དང་པོ་རྒྱལ་མཆོག་དུས་གསུམ་མཁྱེན་པ་འཇིག་རྟེན་དུ་བྱོན་ནས། མི་ལོ་དགུ་བརྒྱ་ཧྲིལ་པོར་འཁོར་བའི་དུས་དྲན་སྲུང་རྩིས་དགོས་རྒྱུར། ཀརྨ་པ་དགུ་བརྒྱའི་དུས་དྲན་ཚོགས་ཆུང་(www.karmapa900.org)ནས་ཡོངས་ཁྱབ་གསལ་བསྒྲགས་གནང་དོན་ལྟར། དེང་གི་དུས་རབས་གསར་པ་ལ་མིག་ལྟོས་ཡར་འདྲེན་གྱི་ལམ་ཡངས་པོར་ཕྱེ་བ་དང་སྟབས་བསྟུན། གུས་ཅག་བལ་ཡུལ་ཀརྨ་ལེགས་བཤད་གླིང་ནས་དད་གུས་སྤྲོ་གསུམ་གྱི་སྒོ་ནས། སྤྱི་ལོ་༢༠༡༠་ཟླ་༡༢་པའི་ཚེས་༨་ཉིན་ནས་དབུ་བཙུགས་སྟེ། རྒྱལ་མཆོག་དུས་གསུམ་མཁྱེན་པ་ནས་ཀར་རབས་རིམ་བྱོན་གྱི་གསུང་འབུམ་ཡིག་ཆ་ཇི་སྙེད་ཅིག་ལག་སོན་འབྱུང་རིམ་བཞིན་གློག་ཀླད་དཔེ་མཛོད་དུ། (www.words-of-karmapa.org)ཀར་རབས་གསུང་འབུམ་གྱི་དམིགས་བསལ་དྲྭ་རྒྱ་གོ་བསྒྲིགས་ཞུ་རྒྱུ་ཡིན་ཅིང༌། ད་ལྟའི་ཆར་གསུང་འབུམ་ཡིག་ཆ་ཆ་ཤས་ཐོབ་པ་ལ། རྗེ་རང་བྱུང་རྡོ་རྗེ། རྒྱལ་དབང་ཆོས་གྲགས་རྒྱ་མཚོ། ཀུན་མཁྱེན་མི་བསྐྱོད་རྡོ་རྗེ། རྗེ་བཙུན་དབང་ཕྱུག་རྡོ་རྗེ། རྒྱལ་དབང་མཁའ་ཁྱབ་རྡོ་རྗེ་བཅས་ཀྱི་གསུང་འབུམ་ཅི་རིགས་ཐོབ་ཟིན་པ་རྣམས་ལག་བསྟར་དངོས་སུ་འཇུག་བཞིན་པ་དང༌། ཕྱོགས་མཚུངས་མ་དཔེ་དཀོན་རིགས་རྣམས་འཐོབ་རྒྱུ་ཧ་ཅང་དཀའ་ངལ་ཆེ་བས། ཀར་རབས་གསུང་འབུམ་དང་ཡིག་ཆ་རྒྱས་བསྡུ་ཇི་ལྟར་རུང༌། མ་དཔེ་གཡར་གནང་འབོད་བསྐུལ་ཞུ་རྒྱུ་ཡིན། དེ་ཡང་ཀར་བསྟན་ལ་ལྷག་བསམ་རྣམ་དག་ཡིན་ཁུལ་ལས། ཚོང་ལས་སོགས་ཀྱི་ཆེད་གཏན་ནས་མིན་པས་དགོངས་འཇགས་འཚལ།

སྤྱི་ལོ་༢༠༡༠་ཟླ་༡༢་པའི་ཚེས་༨།

ཀརྨ་པ་དགུ་བརྒྱའི་དུས་དྲན་སྲུང་རྩིས་ཉིན་མོར།

ཀརྨ་ལེགས་བཤད་གླིང་དམ་ཆོས་འབྱུང་གནས་(www.dharmadownload.org)གློག་ཀླད་སྡེ་ཚན་ནས་གསོལ་བ་འདེབས་པ་ལགས་སོ།།